Atletico Madridi ka arritur marrëveshje me Manchester Cityn për transferimin e sulmuesit Julian Alvarez, njofton “Sky Sports” të martën.
Marrëveshja do të bëhet zyrtare brenda kësaj jave, ndërsa Atletico do të paguajë një shumë të çmendur për kartonin e sulmuesit argjentinas.
Në fakt, Alvarez do të jetë shitja rekorde e Manchester Cityt, ekip që do të përfitoj hiq më pak se 95 milionë euro.
Pas arritjes së marrëveshjes me Cityn, Atletico ka marrëveshje në parim edhe me sulmuesin, i cili në janar të vitit 2022 iu bashkua ekipit anglez për 20 milionë euro nga River Plate.
24-vjeçari ka shënuar 20 gola dhe ka bërë 10 asistime në 67 paraqitje në Premier League, ndërsa me Cityn ka fituar gjashtë trofe, përfshirë dy tituj kampioni të Anglisë dhe Ligën e Kampionëve.
