Dy persona janë vrarë dhe tre të tjerë janë plagosur në një atentat me armë zjarri që ndodhi në shëtitoren e qytetit të Lushnjes, pasditen e sotme.
ABC News raporton se njëri nga viktimat është Zamir Latifi.
Atentatorët qëlluan me breshëri kallashnikovi nga një makinë dhe më pas u larguan në drejtim të paditur.
Identiteti i tyre nuk dihet, ndërsa policia ka ngritur postblloqe për kapjen e tyre.
Sipas ABC News, dy viktimat janë miq të familjes së Aldo Bares. Ndërkohë, nuk ka informacione as për të plagosurit.
Mësohet se ata ndodhen në gjendje të rëndë shëndetësore.
Shkaqet e vrasjes mbeten ende mister. Paraprakisht dyshohet se bëhet fjalë për një luftë bandash.
