Fitore të thellë në ndeshjen e kthimit ka shënuar Aston Villa që e ka eliminuar Ajaxin e Diant Ramajt i cili e kompletoi ndeshjen në portë te holandezët.
Aston Villa fitoi me rezultatin 4:0 të enjten mbrëma, në ndeshjen kthyese të një të tetës së finales në Ligën e Konferencës. Ballafaqimi i parë ishte mbyllur pa gola.
Ollie Watkins shënoi për 1:0 në minutën e 25-të, kurse Leon Bailey e dyfishoi epërsinë pas një ore lojë. Me kartonin e dytë të verdhë në minutën e 66-të te mysafirët u ndëshkua Sivert Mannsverk. Jhon Duran në minutën e 75-të dhe Moussa Diaby në minutën e 81-të, shënuan dy golat e fundit për fitoren e thellë.
Në çerekfinale të Ligës së Konferencës kanë avancuar edhe Club Brugge që fitoi 3:0 ndaj Moldes në ndeshjen kthyese, me dy gola të Andreas Skov Olsen dhe një të Michal Skoras.
Lille barazoi 1:1 me Sturm Grazin, por francezëve u ndihmoi fitorja 3:0 në ndeshjen e parë. Edon Zhegrova luajti vetëm në pjesën e parë.
