Artistja palestineze me instrumentin Kanun, Christine Zayed tha se djali me autizëm, Iyad Hallaq, i cili u martirizua në Kuds në vitin 2020 dhe amerikani me ngjyrë, George Floyd, i cili vdiq si pasojë e dhunës së policisë, u vranë nga i njëjti sistem.
Zayed, i cili mori pjesë në festivalin e instrumenteve me tela “Au Tour des Cordes”, të mbajtur për herë të katërt këtë vit në Saint-Louis të Senegalit, pas koncertit foli për Anadolu në lidhje me gjenocidin që po vazhdon në vendin e saj dhe karrierën muzikore.
Zayed ka lindur në Kuds ndërsa fëmijërinë e kaloi mes Kudsit dhe Ramallahut. Ajo ishte në dijeni të shkeljeve të të drejtave të njeriut që përjetuan në atë kohë si fëmijë. Zayed tha se e kuptoi se fëmijëria e saj në territoret e pushtuara palestineze nuk ishte “normale” dhe e kuptoi këtë vetëm pasi u rrit dhe u vendos në Francë.
“Isha 9 vjeçe kur ndodhi Intifada e Dytë. Na binin bombat në kokë, mund të vdisnim në çdo moment, por nuk kishim frikë. Sepse nuk e dinim saktësisht se në çfarë ndodheshim. Kur unë shkova në Francë dhe i pashë ngjarjet nga pak më larg, pashë që ajo që po ndodhte nuk ishte aspak normale”, tha artistja palestineze.
Ajo thotë se u rrit në një familje dashamirëse të muzikës dhe se u njoftua për herë të parë me instrumentin e kanunit në moshën 5-vjeçare, kur vëllai i saj luante me kanun.
“Më kujtohet që shikoja me magjepsje ndërsa vëllai im luante kanun me mësuesin e tij dhe unë e quajta kanunin ‘kutia magjike'”, tha Zayed duke shtuar se ajo filloi arsimin e saj profesional për drejtësi disa vite më vonë.
Më tej Zayed tha se gjatë studimit të kanunit dëgjonte shpesh vepra nga muzika turke dhe osmane dhe ndoqi me admirim artistë si Göksel Baktagir, Pinar Somakçı dhe Aytanç Doğan.
– “Ndjej përgjegjësi dhe faj”
Zayed nënvizoi se muzika i solli lirinë botës së një fëmije që rritej në Palestinë. “Mund të them se muzika më shpëtoi jetën. Falë muzikës largohesh nga realiteti aktual dhe ke iluzionin se je e lirë”, thekson ajo.
Duke thënë se ndjen ndjenja të përziera për atë që po ndodh si një artiste palestineze që jeton në Francë, Zayed tha: “Ndjej përgjegjësi dhe faj për gjenocidin në Palestinë. Unë dua të bëj më shumë sesa thjesht të flas. Ky brutalitet, ky gjenocid, i cili nuk mund të shprehem plotësisht me fjalë, duhet të ndalet tani”.
– “Vrasësi i George Floyd dhe i djalit autik Iyad Hallaq, i cili u martirizua në Kuds, është i njëjti”.
Artistja palestineze tha se i kishte bërë shumë përshtypje historia e George Floyd dhe autikut Iyad Hallak, i cili u martirizua në Kuds, teksa po përgatiste këngën e saj “Safartu”, ishte frymëzuar nga një poezi e poetit palestinez, Hussein Barghouti, të cilën ai e këndoi në koncertin e tij.
“Dy persona u vranë në kohë të ndryshme dhe në vende të ndryshme, por të dyja vdekjet e tyre janë të ndërlidhura. Vrasësi i George Floyd, një afroamerikan i vrarë në SHBA dhe Iyad Hallak, një person autik i vrarë në Kuds, është i njëjtë. Ata ishin viktima të të njëjtit sistem. Iyadi autik u vra sepse e zuri paniku kur pa ushtarë izraelitë përpara tij. George Floyd u vra në një mënyrë të ngjashme”, tha Zayed.
– U vranë me 5 ditë diferencë
Afroamerikani George Floyd, i cili u ndalua në Minneapolis, SHBA, më 25 maj 2020, me akuzën e përdorimit të një kartëmonedhe të falsifikuar prej 20 dollarësh, vdiq si pasojë e mbytjes pasi oficeri i policisë Derek Chauvin i vuri gjurin në qafë.
32-vjeçari Hallaq, i cili ishte me autizëm, vdiq më 30 maj 2020, si pasojë e zjarrit të hapur nga policia izraelite në portën Al-Esbat në rajonin “Qyteti i Vjetër” të Kudsit Lindor, i cili përfshin Mesxhidul Aksa.
Mësohet se Hallaq, i cili u qëllua me arsyetimin se “i ishte bërë paralajmërim ‘stop’ me dyshimin se mbante armë, por ai nuk e respektoi këtë paralajmërim dhe u largua”, nuk kishte armë.
Policia izraelite më vonë pranoi se Hallaq u vra “pafajësisht”.
Në protestat e mbajtura në shumë vende pas vdekjes së Hallaqut, pati pankarta me mbishkrimet “Drejtësi për Eyad dhe George” dhe “Eyad dhe George nuk mund të marrin frymë”.
Fakti që dy incidente të shkaktuara nga dhuna policore me bazë racizmi, ndodhën me 5 ditë diferencë, bashkoi emrat e Hallaq dhe Floyd në shumë protesta.
Asi fue el asesinato de Iyad Hallaq en 2020, salió corriendo y se escondió detrás de su profesora de educación especial, que gritaba “¡Es autista!” a los soldados sionistas.
Los sionistas ignoraron a la profesora de Hallaq, lo acorralaron en un basurero y lo mataron a tiros. pic.twitter.com/Y75zjhr5KP
— Daniel Mayakovski (@DaniMayakovski) October 12, 2023
