Vazhdon kthimi i palestinezëve në Gaza në shtëpitë e tyre pas armëpushimit të arritur midis Hamasit dhe Izraelit, raporton Anadolu.
Një artist palestinez i cili gjithashtu është në mesin e palestinezëve që janë kthyer në shtëpitë e tyre në qytetin jugor të Rripit të Gazës, Rafah, vizaton në rrënojat e shtëpive të shkatërruar nga Izraeli.
Ai e realizon artin e tij duke vizatuar piktura që shprehin vendosmërinë, paqen dhe shpresën mbi rrënojat e shtëpive.
Izraeli nisi një luftë gjenocidale në Gaza duke vrarë rreth 47 mijë palestinezë, shumica prej tyre gra dhe fëmijë, që nga sulmi ndërkufitar nga grupi palestinez Hamas më 7 tetor 2023.
Të dielën hyri në fuqi një marrëveshje armëpushimi dhe shkëmbimi i të burgosurve midis Izraelit dhe Hamasit.
Gjykata Ndërkombëtare Penale lëshoi urdhërarreste në nëntor të vitit të kaluar për kryeministrin izraelit, Benjamin Netanyahu dhe ish-ministrin e Mbrojtjes, Yoav Gallant, për krime lufte dhe krime kundër njerëzimit në Gaza.
Izraeli gjithashtu përballet me padi për gjenocid në Gjykatën Ndërkombëtare të Drejtësisë për luftën e tij kundër Gazës.
