Skuadra e Arsenalit ka shënuar fitore minimale 0:1 ndaj Manchester Unitedit në javën e parafundit në Premier League.
Golin e vetëm në këtë ndeshje e shënoi mesfushori belg, Trossard në minutën e 20’të pas një asisti nga Kai Havertz.
Dy skuadrat patën raste të mira shënimi edhe gjatë pjesës së dytë, sidomos lojtari i “Djajve të Kuq”, Garnacho – por topi nuk shkoi në rrjetë.
Me këtë fitore, ekipi i Mikel Artetas tani shkon në pozitën e parë me 86 pikë, kurse Manchester Unitedi në pozitën e 8-të me 54 pikë.
