Policia zvicerane ka arrestuar një të dyshuar për sulmin me sharrë elektrike ku mbetën të lënduar pesë persona, dy prej tyre në gjendje më kritike.
Franz Wrousis, 50 vjeçar u arrestua në Thalwil, një qytet rreth 60 km nga Schaffhausen, qytetit kufitar ku edhe ndodhi incidenti, transmeton Klan Kosova.
Të martën pasdite, pas 24 orësh kërkime, policia e Zvicrës ka pranuar se nuk kishte asnjë informatë se ku ishte i dyshuari, dhe që potencialisht ai kishte mundur të largohej në Gjermani.
Helikopterët dhe qentë janë përdorur për të kërkuar në gjithë zonën, i cili kishte dy dënime të mëparshme për mbajtje dhe përdorim të armëve.
Kërkimi për të dyshuarin përfshiu më shumë se 100 zyrtarë zviceranë dhe gjermanë.
Sulmi i së hënës ndodhi në një zyrë të sigurimeve kur dy punëtorë u sulmuan dhe u plagosën nga sulmuesi me sharrë elektrike ku njëri prej tyre u lëndua rëndë dhe kishte nevojë për ndërhyrje kirurgjike në spital.
Dy persona të tjerë u trajtuan për tronditje, ndërsa një tjetër u lëndua gjatë operacionit policor që pasoi. Policia tha se i arrestuari Wrousis ishte një klient i firmës.
