Policia në Nju Jork ka arrestuar disa persona, sipas mediave lokale, ndërsa mijëra demonstrues pro-palestinezë marshuan nëpër rrugët e Manhattan-it duke bërë thirrje për një armëpushim në Gaza.
New York Post tha se gjashtë persona u arrestuan dhe se protestuesit u përleshën me policinë jashtë Bibliotekës Publike të Nju Jorkut dhe në Times Square. Videot e postuara në internet treguan gjithashtu se policia po shtynte turmat në Times Square.
Marshimi erdhi ndërsa qindra njerëz u mblodhën për një vigjilje në Central Park të Nju Jorkut për të kujtuar viktimat e sulmeve të Hamasit të 7 tetorit. Të pranishmit përfshinin kryetarin Eric Adams dhe guvernatoren Kathy Hochul.
Më herët gjatë ditës, qindra demonstrues pro-palestinezë organizuan një protestë në Universitetin Columbia për të protestuar kundër luftës në Gaza. Demonstruesit lexuan gjithashtu emrat e më shumë se 50,000 palestinezëve të vrarë nga forcat izraelite që nga 7 tetori 2023.
