Arabia Saudite ka bërë mrekullinë në Katar.
Kombëtarja aziatike ka mposhtur Argjentinën e Lionel Messit me rezultat 2-1 në ndeshjen e rrethit të parë të fazës së grupeve të Kupës së Botës.
Argjentina kaloi e para në epërsi me golin e shënuar nga Lionel Messi nga pika e bardhë në minutën e 10-të të ndeshjes.
Arabët ia filluan shumë mirë pjesës së dytë duke shënuar edhe dy gola të shpejtë.
Fillimisht Al Shehri barazoi rezultatin në minutën e 48-të të ndeshjes.
Epërsinë Arabisë ia solli Al Dawsari në minutën e 53-të me një gol shumë të bukur.
Pas golit të dytë Argjentina u përpoq të krijoj diçka, por mbrojtja kundërshtare ishte e organizuar shumë mirë.
Arabia fiton tri pikë dhe merr kreun e tabelës në pritje të ndeshjes tjetër në mes të Polonisë dhe Meksikës.
Saudi Arabia taking the lead & match winning goal against Lionel Messi’s Argentina in FIFA World Cup hits different in Arabic commentary, The Pure Passion!#Argentina #ARGKSA #ARGvsKSA pic.twitter.com/RAFAo3jTVi
— Vishal Verma (@VishalVerma_9) November 22, 2022
