Apostolova: Nëse vendoset për zgjedhje, do t’ju mbështesim

Nëse zgjedhjet e parakohshme janë vullneti dhe dëshira e popullit, atëherë natyrisht që edhe ne do t’i mbështesim ato që vijnë nga vetë Kosova.

Kështu ka thënë në një intervistë të përbashkët dhënë gazetës “Zëri” dhe televizionit publik RTK, shefja e BE-së në Kosovë, Natalya Apostolova.

Sipas saj, Bashkimi Evropian do të mbështeste çdo proces demokratik, mirëpo ka bërë thirrje për kujdes rreth kësaj ideje për shkak se rruga nuk është e qartë momentalisht.

Shefja e BE-së më pas ka folur edhe rreth Raportit të fundit të Progresit, të cilin ka publikuar Komisioni Evropian.

Apostolova ka ftuar deputetët e Listës Serbe që t’i rikthehen punës në Kuvend pasi ajo është mënyra e vetme për të kontribuuar edhe për çështjet me rëndësi për ta.