Një Donald Trump i rizgjedhur do ta afrojë administratën e tij edhe më pranë Izraelit dhe nuk do të ndiejë presion për të pretenduar se ka një ndryshim midis interesave të dy vendeve, thonë analistët.
Duke folur për agjencinë e lajmeve AFP, Asher Fredman, drejtor i institutit izraelit, Instituti Misgav për Sigurinë Kombëtare dhe Strategjinë Sioniste, tha se administrata e ardhshme e Trump dukej “më shumë pro-izraelite se shumica e izraelitëve”.
“Ekziston me të vërtetë një potencial i jashtëzakonshëm për ndryshimin e paradigmës në një sërë fushash, të tilla si avancimi i bashkëpunimit rajonal dhe vënia e presionit maksimal mbi Iranin,” tha Fredman.
Elie Pieprz, drejtor i marrëdhënieve ndërkombëtare në Forumin e Mbrojtjes dhe Sigurisë së Izraelit – një organizatë e hapur sioniste, tha se Biden kishte një marrëdhënie të vështirë me Izraelin ndërsa Trump ka të ngjarë të kërkojë të lehtësojë çdo fërkim.
Ashtu si slogani i tij i brendshëm, tha Pieprz, Trump dëshiron që “ta bëjë përsëri të shkëlqyera marrëdhëniet SHBA-Izrael”.
Aaron David Miller, një bashkëpunëtor i lartë i Carnegie Endowment for International Peace dhe ish-këshilltar i Departamentit të Shtetit të SHBA-së, tha se Trump ka një qasje “oportuniste, transaksionale dhe ad hoc” për çështjet ndërkombëtare dhe nuk ka gjasa të jetë në gjendje të ndalojë luftën e Izraelit në Gaza.
“Ai nuk mund t’i japë fund luftës në Gaza dhe nuk do të bëjë presion ndaj Netanyahut për ta bërë këtë,” tha Miller për AFP.
