Trajneri i Sporting Lisbonës, Ruben Amorim, mund ta marrë drejtimin e Barcelonës nga edicioni i ardhshëm.
Ai shihet si zëvendësues ideal i Xavit, i cili do të largohet në fund të edicionit aktual. Emri i trajnerit portugez është përmendur edhe në Angli.
Ai është parë si zëvendësues i Jurgen Kloppit te skuadra e Liverpoolit. Klopp ka njoftuar po ashtu largimin nga “Anfield” në fund të edicionit aktual.
Sportingu nën drejtimin e portugezit është në vendin e parë me 59 pikë, një më shumë se Benfica.
