Sekretarja e Përgjithshme e Amnesty International, Agnes Callamard, e quajti të martën një “ditë dëshpërimisht të errët për njerëzimin” duke dënuar sulmet e rifilluara të Izraelit në Gaza.
“Gjenocidi i Izraelit dhe sulmet e tij të paligjshme ajrore kanë shkaktuar tashmë një krizë humanitare të paprecedentë në Gaza. Sot, jemi kthyer në pikën zero,” tha ajo në një deklaratë.
Callamard theksoi se bota nuk mund të qëndrojë duarkryq ndërsa Izraeli vazhdon të shkaktojë nivele tronditëse të vdekjes dhe vuajtjes ndaj palestinezëve.
Ajo i bëri thirrje të gjitha shteteve të respektojnë detyrimet e tyre për të parandaluar dhe ndëshkuar gjenocidin, duke ushtruar presion mbi Izraelin që të ndalojë sulmet dhe të lejojë ndihmën humanitare të hyjë në Gaza pa pengesa. /mesazhi
