Arelena Shala dhe Ylli Dalladaku janë ushtarakët e rinj që do t’i shtohen radhëve të Forcës së Sigurisë së Kosovës.
Ceremonia e tyre e diplomimit ishte mjaftë e veçantë, madje në të mbajti fjalim edhe presidenti amerikan, Donald Trump.
Ambasada e ShBA-ve në Kosovë ka uruar sot Shalën dhe Dalladakun, duke theksuar se kanë bërë krenarë gjithë Kosovën.
“Ju keni bërë krenarë gjithë Kosovën me arritjen e juaja dhe sensin e shërbimit dhe detyrës. Ne hedhim kapelat në ajër, për të festuar për ju dhe suksesin tuaj të ardhshëm në Ushtrinë e Kosovës”, thuhet nga ambasada.
Një ceremoni diplomimi si asnjë tjetër në historinë 218 vjeçare të kësaj akademie. Rreth 1100 kadetët e akademisë ushtarake West Point marshuan krenarë në parkun e kampusit me maskat mbrojtëse që iu shtuan këtë herë uniformës tradicionale.
Mes tyre, Arelena Shala dhe Ylli Dalladaku, janë dy kadetët e rinj nga Kosova të diplomuar në këtë akademi prestigjioze që gërsheton mësimin e doktrinave të taktikave ushtarake me edukimin akademik.
