Ambasada amerikane në Prishtinë ka mbështetur futbollistin serb të Kosovës, Ilija Iviq, i cili ka vendosur që të luajë për Kosovën U19.
Vendimi për të pranuar ftesën e Kosovës U19, futbollistit të Flamurtarit Iliq, i kushtoi me largimin nga puna të dy prindërve. Pas këtyre ngjarjeve, kanë ardhur shumë reagime, e së fundmi ka reaguar edhe Ambasada amerikane në Prishtinë.
Përmes një postimi në Facebook, Ambasada amerikane thotë se Iviq me veprimin e tij ka inspiruar shumë të rinj në Kosovë, derisa thekson se politika nuk ka vend në sport.
“Urime për Ilija Iviqin. Ai po inspiron të gjithë të rinjtë në Kosovë që të punojnë shumë, të zhvillojnë talentin dhe të ndjekin ëndrrat e tyre. Politika nuk ka vend në sport. Ky është një moment për të festuar diversitetin dhe një atlet të talentuar në Kosovë. Kosova është shtëpia juaj”, thuhet në postimin e ambasadës. /Lajmi.net
