AA siguron pamje të reja lidhur me vdekjen e shtetasit francez me origjinë turke gjatë ndërhyrjes së policisë

Pamjet e reja të siguruara nga AA tregojnë edhe momentet kur Keskin u dërgua në komisariat si dhe momentet kur punonjësit e policisë i masazhuan zemrën pasi vunë re se nuk reagonte

Anadolu Agency (AA) ka siguruar pamje të reja lidhur me ngjarjen ku shtetasi 35-vjeçar Merter Keskin me origjinë turke që u arrestua vitin e kaluar nga policia franceze dhe u shtri në tokë i prangosur me duart mbrapa dhe i cili humbi jetën pasi iu pamundësua të marrë frymë nga presioni i ushtruar në trupin e tij gjatë përpjekjeve për t’i hequr prangat në qeli.

AA ka siguruar pamjet e momentit kur Keskin hyn në komisariat, dërgohet në qelinë e paraburgimit dhe kur polici fillon masazhimin e zemrës. Në regjistrim vërehet se Keskin ishte i prangosur me duart pas shpinës dhe duke ecur i qetë gjatë ardhjes së tij në komisariat i shoqëruar nga policia.

Ndërsa në një pamje tjetër lidhur me ngjarjen, shihet se Keskin qëndron pa lëvizur mbi stol dhe policët e kontrollojnë nëse merr apo jo frymë dhe më pas një punonjës e ngre lart dhe lëshon krahun e Keskin-it.

Pas një kohe dy policë e mbajnë dhe e shtrinë përtokë Keskin-in i cili nuk lëviz, ku njëri prej policëve heq bluzën e Keskin-it dhe e godet me dy shuplaka për të matur reagimin e tij dhe më pas fillon të bëjë masazh zemre.

Sipas informacioneve të marra nga disa burime, polici fillon masazhin e zemrës rreth 2 minuta pasi kupton që Keskin nuk merrte frymë.

Në deklaratën e tyre policët kishin pretenduar se Keskin në komisariat nuk qëndronte në vend dhe lëvizte vazhdimisht.

– Pamjet e para të siguruara nga AA

Në pamjet e para që AA kishte siguruar, përfshiheshin momentet kur polici francez e kishte shtrirë me fytyrë poshtë mbi stolin në qeli ndërkohë që ishte i prangosur me duar prapa dhe që policët i bënin presion duke i shkaktuar vdekjen. Në regjistrimin në fjalë u vërejt se një polic e shtrin Keskin-in përtokë dhe ushtron presion me bërrylin në trup për të penguar lëvizjen ndërsa edhe punonjësit e tjerë atje kanë vepruar në mënyrë të ngjashme.

Më pas policët për 3 minuta përpiqen të hapin prangat e Keskin-it por pasi kuptohet se ishin çelësat e gabuar, prangat hapen me çelësin e drejtë që sjell një polic tjetër.

Në pamje vërehet se policët ngritën lart dhe lëshuan krahun e Keskin-it pas shqetësimit kur kuptuan se Keskin nuk po reagonte pas presionit të ushtruar prej disa minutash.

Mësohet se Keskin i cili qëndroi i shtrirë pa lëvizur nga vendi ku ndodhej, kishte ndërruar jetë me mbërritjen e ekipeve mjekësore dhe momenti i vdekjes së tij u regjistrua më 13 janar 2021 në orën 05:00.

– Raporti i Autopsisë

Në raportin e Autopsisë thuhet se Keskin ka vdekur pasi ka mbetur pa frymë dhe se në trupin e tij nuk janë gjetur shenja se ai është përpjekur të mbrojë veten e tij.

Krahas krahëve në kokën dhe në qafën e Keskin-it janë gjetur mavijosje, thuhet në raportin në të cilin bëhet e ditur se viktima ka vdekur si pasojë e arrestit kardiak. Në anën tjetër është theksuar se në gjakun e tij janë gjetur substanca të paligjshme.

Një polic i cili ndodhej atë ditë në komisariat, në deklaratën e tij në Njësinë e Hetimit të Policisë kombëtare (IGPN) ka thënë se ka parë gjak në anën e gojës së Keskin-it gjatë kohës kur është sjellë në komisariat dhe se qëndronte në këmbë me ndihmën e policëve.

Ndërsa në një deklaratë të bërë nga një polic i dytë, thuhet se Keskin para se të dërgohej në qeli ka thënë se ndiente dhimbje në zemër dhe se ka kërkuar një gotë ujë nga policët të cilët e refuzuan këtë kërkesë.

Edhe një polic i tretë, ka bërë të ditur se nga gjendja e Keskin-it kuptohej se ai duhet të dërgohej në spital por që policët nuk e kanë bërë këtë me arsyetimin se nuk kanë kohë.

Pas hetimit që policia hapi lidhur me ngjarjen edhe Prokuroria ka filluar një hetim të dytë. /aa

ARTIKUJ TË NGJASHËMMË SHUMË NGA AUTORI