A ngriheni ndonjëherë nga një karrige ose uleni dhe dëgjoni gjunjët tuaj të kërcasin? Nëse është kështu, me siguri po pyesni veten se çfarë po ndodh dhe nëse duhet të shqetësoheni.Pse kërcasin gjunjët?
Kërcitja në gjunjë është një fenomen i zakonshëm që ndodh me kalimin e moshës. Ka disa arsye pse gjunjët e bëjnë atë tingull.
“Tingulli i kërcitjes ndodh kur dy sipërfaqet e kyçeve ndahen dhe lëngu i kyçeve formohet pothuajse si një gaz i vogël, dhe kjo krijon tingullin,” tha Daniel Viznia, një kirurg ortopedik në Shkollën e Mjekësisë Yale.
Kur duhet të shkoni te një mjek
Nëse kërcitja përkon me dhimbje, ënjtje, paqëndrueshmëri të kyçit, ndjeni se diçka po lëviz brenda gjurit, mund të jetë shenjë e diçkaje më serioze. Njerëzit që kanë këto simptoma duhet të vizitojnë një mjek, pasi mund të tregojë një problem menisk, dëmtim të kërcit, artrit ose trashje të indeve të shkaktuar nga një dëmtim.
Kërcitja dhe plasaritja e gjurit mund të ndodhë edhe kur kërci konsumohet dhe dy sipërfaqet e kockave “fërkohen” me njëra-tjetrën.
“Ndonjëherë mund ta ndjeni kur vendosni duart mbi gjunjë dhe mund të tregojë artrit”, shpjegon ortopedi. Osteoartriti, forma më e zakonshme e artritit, shkaktohet nga konsumimi i shtresës mbrojtëse të kërcit në skajet e kockave.
