Bota është vënë në ballë të dinamikave krejtësisht të reja. Ajo më nuk është e para 7 tetorit dhe kurrë më nuk do të jetë e tillë!
Histori e çuditshme, e pabesueshme po ndodh në Palestinë!
Një popull i vogël po tregon se paskësh një shpirt më të madh se e gjithë bota!
Se e gjithë bota hipokrite!
Një popull më pak se dy milion po i reziston njërës prej ushtrive më të fuqishme në botë. Pas së cilës qëndron superfuqia ushtarake e mbështetur gjithashtu nga ushtritë më të fuqishme të globit!
E pata thënë edhe më parë: S’ka fuqi në botë që mund ta mposhtë Hamasin. Sepse ajo përfaqëson vetëdijën palestineze e formësuar përgjatë një shekulli robëri!
Para se të jetë lëvizje-rezistente-politike-popullore!
Shkuar përtej Atlantiku!
Shikoni revoltën e studentëve në Amerikë!
Ajo po bëhet një lëvizje popullore që po ndryshon kahet e historisë!
Fryma e saj po lëkund themelet e ndërgjegjës së shoqërisë amerikane!
Po përhapet edhe në çdo cep të botës!
Ani pse përdorimi i dhunës nga autoritetet amerikane ka arritur përmasat e kohës kur SHBA-të i kishin shpallë luftë tiranisë komuniste!
Kthyer sërish në Lindje të Mesme!
Autoritetet izraelite sot kanë deklaruar se lufta ka hyrë në rrugë pa krye!
Ajo ka mbetur në qorrsokak!
As nuk u mund Hamasi!
As nuk u liruan pengjet!
E as nuk nënshtrua populli palestinez!
Aq më pak t’i kenë detyruar palestinezët të lëshojnë tokat e tyre e t’i hudhin në shkretëtirën e Sinait!
Netanjahu arriti vetëm të bëj gjenocid mbi palestinezët dhe shkatërrimin e 70% të Gazës!
Përcillni lajmet që vijnë nga Izraeli!
Protestat në Tel Aviv janë shëndrruar në revoltë gjithpopullore! Netanjahun po e pret Gjykata Ndërkombëtare ndërsa Izraelitët i ka vënë para gjyqit të historisë.
Popullin e vet po e merr në qafë!
Duke i mashtruar se po lufton për vrasjen e “Amalekut”!
Sërish është duke u folur e shkruar për rishikimin e historisë hebreje!
Historia është kthyer prapsht dhe po qet në sipërfaqe të thëna të paqena.
Dhe, sërish në Amerikë!
Ngjarja më me rëndësi që ka ndodhur pas fillimit të masakrave mbi palestinezët e Gazës është pikërisht fillimi i revoltave të studentëve në Amerikë!
Pse po them ngjarja më e rëndësishme?
Sepse s’kemi të bëjmë vetëm me muslimanë!
As vetëm me të krishterë e ateistë!
Aq më pak me hipokrizinë e klasave politike të vendeve muslimane!
Kemi të bëjmë me shpirtin njerëzor!
Me humanizmin që po ringjallet!
Dhe, sepse!
Një rregull i sociologjisë politike thotë se lëvizjet shoqërore sa do të vogla që mund të jenë, ato rrokullisin edhe gurët më të mëdhenj.
Po!
Ato ndoshta mund të shtypen e të zhduken!
Por vetëm pasi të përmbushin rolin e tyre në histori!
Bash sikur bleta mashkull që fekondon mbretëreshën dhe më pas vdes. Por le pas një jetë të tërë!
Ose sikur flutura që stuhia e hedhë diku në ndonjë ishull në mes të detit të paanë, por ama ajo ka lëshuar vezët e saj diku në tokë përgjatë fluturimit në hapësirë!
Gjenocidi në Gaza e ka prekur ndërgjegjen njerëzore dhe e ka tronditur atë!
Revolta e studentëve në Amerikë nuk përkufizohet vetëm brenda kampuseve të universiteteve!
E as tek individë të caktuar të shoqërisë!
Nami i saj ka dalë përtej mureve të kampuseve që po mbahen të rrethuara!
Ajo ka hyrë nëpër familje, tek të afërmit e studentëve dhe tek të gjithë që janë duke i përcjellë këto ngjarje!
Njerëzimi i ka kthyer sytë kah studentët e Amerikës!
Njerëzimi nga ata po pret shpërtimin e palestinezëve!
Sepse askush nuk u doli në ndihmë për t’i shpëtuar nga vdekja masive!
Përveç që u dëgjua deri më sot zëri i hipokrizisë!
I hipokrizisë makute të njerëzve makutë për pushtet e fuqi politike!
Një histori e re po përpiqet të lind në këto kohë të vështira!
E nisur në Gaza!
Duke kumbuar në Amerikë!
Dhe duke u shkruar me ngjyrat e popujve të botës!
Natyrisht duke shpërfillur fuqinë shtypëse të politikës së akomoduar në planetën e tokës!
E hiç e më hiç duke përfillur fuqinë e barotit të ushtrive që duan ta shkatërrojnë popullin palestinez!
E natyrisht, duke dashur ta fshijnë nga harta Palestinën…!
Nga: Prof. Mustafë Bajrami
