Shumica prej nesh pëlqen të pijë një filxhan kafe në ditë, por një studim i ri i gjerë ka treguar se konsumimi i tepërt i kafesë mund të zvogëlojë vëllimin e trurit dhe në planin afatgjatë mund të rrisë rrezikun e shfaqjes së sëmundjeve të tilla si çmenduria.
Ne të gjithë e duam dhe pimë kafe çdo ditë, por prapëseprapë duhet t’i kushtojmë pak vëmendje marrjes sonë ditore në mënyrë që të mos biem në telashe.
Studimi përfshiu 17,702 njerëz midis moshës 37 dhe 73 vjeç, dhe hulumtuesit studiuan një numër gjërash në subjekte, duke përfshirë disa zakone të jetës, të tilla si konsumi i kafesë.
Rezultatet e studimit sugjerojnë se njerëzit që pinë gjashtë ose më shumë filxhanë kafe kanë një mundësi prej 53 për qind më të lartë për të zhvilluar çmenduri se sa njerëzit që pinë një ose dy filxhanë kafe në ditë.
“Kafeja është një nga pijet më të njohura në botë. Sidoqoftë, meqenëse konsumi global është mbi nëntë miliard paund në vit, është thelbësore që të kuptojmë të gjitha implikimet e mundshme shëndetësore”, tha epidemiologu Kitty Pham i Universitetit të Australisë së Jugut, transmetojnë mediat në Kroaci.
“Ky është studimi më gjithëpërfshirës i lidhjeve midis kafesë, vëllimit të trurit, rrezikut të deminancës dhe rrezikut të goditjes në tru”, shtoi ajo.
Më shumë se gjashtë filxhanë kafe në ditë mund të kenë një efekt negativ në tru
“Duke marrë parasysh të gjitha ndërrimet e mundshme, ne zbuluam se konsumi më i lartë i kafesë shoqërohet ndjeshëm me zvogëlimin e vëllimit të trurit – në thelb, pirja e më shumë se gjashtë filxhanë kafe në ditë, mund t’ju vë në rrezik të zhvillimit të sëmundjeve të trurit, si çmenduri dhe goditje në tru”, thotë Pham.
Epidemiologia Elina Hyppönen nga Universiteti i Australisë së Jugut deklaron se konsumi mesatar ditor i kafesë është midis një dhe dy filxhanëve kafe me madhësi standarde. Ajo shprehet se disa filxhanë kafe në ditë nuk duhet të jenë problem.
“Por nëse vëreni se keni filluar të pini gjashtë ose më shumë filxhanë kafe në ditë, duhet të konsideroni nëse vërtet keni nevojë për një filxhan kafe shtesë”, thekson Hyppönen.
