Një studim i fundit është dedikuar për fëmijët, nëse duhet të mbajnë maska apo jo. Studimi në fjalë, i kryer nga studiuesit që raportojnë në Departamentin e Nënave-Foshnjave, në Universitetin La Sapienza i Romës, tregojnë për dilemën.
Profesori Riçardo Lubrano shpjegoi se, edhe nëse fëmijët sëmuren me një formë më pak të rëndë se ajo e të rriturve, është gjithashtu e vërtetë që shumë studime konfirmojnë se ata infektohen. Prandaj është nevoja për të përdorur rregullat themelore sa më gjerësisht të jetë e mundur, dmth distancimi shoqëror, larja e duarve dhe përdorimi i maskave.
Studiuesit vunë në dukje se nuk kishte asnjë provë në literaturë që përdorimi i një maske kirurgjikale mund të krijonte probleme të frymëmarrjes për fëmijët. Për këtë arsye ata vendosën të analizojnë të dhënat teknike që do të lejonin të theksonin se cilat grupe të popullatës ishin në gjendje të përdorin maskat pa probleme.
Studimi u krye me 47 fëmijë të shëndetshëm, 22 deri në dy vjeç dhe 25 të tjerë nga dy në 12 vjeç për të theksuar nëse edhe një fëmijë i vogël, që nuk vuan nga sëmundje kronike, mund të mbante një maskë kirurgjikale pa rrezikuar frymëmarrjen.
Fëmijët u studiuan në tre faza të njëpasnjëshme: së pari pa maskë, në një kohë të mëvonshme ndërsa nuk po bënin aktivitet fizik dhe herëne tretë gjatë një ecjeje të shpejtë sipas një testi të standardizuar. Te fëmijët që kishin provuar maskë kirurgjikale gjatë provës përmbajtja e oksigjenit dhe dioksidit të karbonit në gjak nuk ndryshoi dhe rrahjet e zemrës dhe të frymëmarrjes mbetën konstante; për më tepër, foshnjat nuk treguan shenja klinike të dështimit të frymëmarrjes. Në hulumtim, bashkëpunimi i prindërve ishte shumë i rëndësishëm, të cilët, në formën e një loje dhe me shumë durim, i bënë fëmijët e tyre të kuptonin se çfarë ishte e nevojshme të bënin.
Përfundimet e studiuesve italianë janë, pra, se do të ishte mirë për prindërit të mësonin fëmijët e vegjël të mbajnë maska, duke u përpjekur ta bëjnë atë të kalojë si një lojë për t’i bindur ta mbajnë, veçanërisht kur shkojnë në vende publike dhe të mbushura me njerëz./Lajmi.net
