Raporton: Hani Mahmoud – Gaza City, Rripi i Gazës
Të paktën 34 persona janë vrarë që nga nata e kaluar në sulmet izraelite në Rripin e Gazës, disa prej tyre të djegur për së gjalli brenda tendave ku ishin strehuar, ndërsa të tjerë u vranë në një shkollë që shërbente si strehimore për familjet e zhvendosura në veri të territorit.
Sipas dëshmive nga terreni, familje të tëra janë fshirë nga faqja e dheut.
Gjatë gjithë ditës, ushtria izraelite ka vazhduar shkatërrimin sistematik të shtëpive në pjesën veriore të Gazës si dhe në pjesën lindore të qytetit të Gazës, përfshirë lagjen Shujayea, ku shumë banesa janë rrafshuar plotësisht.
Banorët që ende janë të bllokuar në këtë zonë nuk kanë qasje në ushqim, ujë apo ndihmë mjekësore – burime jetike për të mbijetuar në këto kushte ekstreme.
