Numri i të infektuarve me virusin korona në Kosovë që nga 13 marsi kur edhe u paraqitën dy rastet e para e deri më tani ka shkuar në 14 mijë e 377. Nga ky virus vdekjeprurës janë shëruar 10 mijë e 926 raste.
Mirëpo shkak i infektimit me COVID-19 kanë vdekur 574 persona.
Nga të dhënat e Instituti Kombëtar të Shëndetësisë Publike të Kosovës (IKSHPK), bëhet e ditur se raste aktive janë 2 mijë e 877.
Ndërsa, sipas raportit të IKSHPK-së në 24 orëshin e fundit janë shëruar 44 persona, kurse janë shënuar edhe 76 raste të reja.
“Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR dhe në laboratorët private, janë testuar gjithsej 589 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 76 raste pozitive. Brenda 24 orëve janë raportuar 6 raste të vdekjes me SARS CoV-2 pozitiv. Numri total i rasteve pozitive është 14.377 raste nga 55.513 persona të dyshimtë në virusin SARS-CoV-2 dhe 574 raste të vdekjes. Gjatë 24 orëve të fundit, janë shëruar 144 pacientë derisa numri i përgjithshëm i të shëruarve deri më sot është gjithsej 10.926 raste, kurse numri i rasteve aktive është 2.877”, thuhet në të dhënat e IKSHPK-së.
Prishtina sërish ka numrin më të madh të rasteve të reja me COVID-19.
