Zyrtare, Putin ka ndërhyrë në zgjedhjet amerikane

Russian President Vladimir Putin attends a news conference with Laos' Prime Minister Thongloun Sisoulith (unseen) following the Russia-ASEAN summit in Sochi, Russia, May 20, 2016. REUTERS/Sergei Karpukhin

Provat e grumbulluara nga Inteligjenca amerikane konfirmojnë me një shkallë të lartë sigurie përfshirjen e drejtpërdrejtë të Vladimir Putinit në fushatën për të ndërhyrë në zgjedhjet amerikane.

Kjo gjë zbulohet nga “NBC News”, që citon burime të Shërbimeve Sekrete me akses tek dosja. Siç mësohet, Putin ka dhënë udhëzime se si të gjendet dhe përdoret materiali i hakuar nga serverët e demokratëve.

Ajo që nisi si një hakmarrje personale e liderit të Kremlinit kundër Hillary Clinton-it u shndërruar shumë shpejt në një përpjekje të vendosur për të nxjerrë në dritë korrupsionin në politikën amerikane gjatë fushatës elektorale, duke minuar imazhin dhe kredibilitetin e lidershipit të SHBA-së në botë. NBC sugjeron se Putini nuk ja ka falur kurrë Clinton-it, vënien në dyshim të zgjedhjeve legjislative ruse në 2011-n e inkurajimin e protestave në shesh, në kohën kur ishte sekretare e Shtetit, transmeton Top Channel.

Dhe nëse në tetor 17 agjencitë amerikane të Inteligjencës lëshuan një deklaratë përmes së cilës akuzonin Rusinë se qëndronte pas sulmit kibernetik në Partinë Demokratike, tani për herë të parë zbulohen prova të pamohueshme për lidhje mes operacioneve të hakerëve dhe vetë presidentit rus.

Së fundmi CIA zemëroi presidentin e zgjedhur Donald Trump, duke ngritur hipotezën se Putini kishte kërkuar me forcë fitoren e republikanit. Një vizion ky që nuk gjeti plotësisht mbështetje tek FBI-ja dhe agjencitë e tjera të inteligjencës. /TCH/