Bordi drejtues i Shërbimit Spitalor dhe Klinik Universitar të Kosovës (SHSKUK) ka aprovuar zgjedhjen e Basri Sejdiut për drejtor të përgjithshëm të SHSKUK-së.
Veton Firzi, kryesues i Komisionit vlerësues para Bordit Drejtues ka prezantuar rezultatet e Komisionit për përzgjedhjen e drejtorit të përgjithshëm dhe procedurat e ndjekura nga komisioni deri në rezultatet finale.
Kryesuesi i Bordit Drejtues, Naser Ramadani në emër të Bordit Drejtues i ka uruar suksese dhe punë të mbarë drejtorit të sapozgjedhur, Basri Sejdiu.
