VV-ja me ankesë në PZAP për mosnumërimin e 4639 dërgesave postare me fletëvotime të mërgatës

Lëvizja Vetëvendosje sot ushtroi ankesë në Panelin Zgjedhor për Ankesa dhe Parashtresa lidhur me mosnumërimin në Qendrën e Numërimit të Rezultateve të 4639 të dërgesave postare me fletëvotime të ardhura nga mërgata, bën të ditur Vetëvendosja përmes faqes zyrtare.

VV-ja thotë se mbrëmë u numëruan 13491 fletëvotime të votuesve nga mërgata.

“Presim që PZAP, të marrë vendim brenda afateve ligjore dhe të urdhëroj KQZ-në, shërbimin për votimin jashtë vendit, që pa vonesë të procedojë për numërim të gjitha fletëvotimet e ardhura nga mërgata jonë”, thotë VV.

Sipas Vetëvendosjes arsyetimet procedurale që artificialisht po i mbivendosen vullnetit të lirë të zgjedhësve nga mërgata e cenojnë demokracinë. Andaj ato fletëvotime duhet të numërohen.

SHPËRNDAJE