Veseli: Institucionet fetare, rol të madh në edukimin e qytetarit me vlera morale dhe kundër korrupsionit

Kreu i Partisë Demokratike të Kosovës (PDK), Kadri Veseli, ka thënë se institucionet fetare kanë rol të madh në edukimin e qytetarit me vlera morale dhe kundër korrupsionit.

Lideri i PDK-së, Kadri Veseli, sot në Ditën Përkujtimore për Viktimat e Dhunës Bazuar tek Feja ose Besimi, ka thënë se besimi fetar luan rol të rëndësishëm në shoqëri, sidomos në edukimin e qytetarit me vlera morale dhe kundër korrupsionit.

Përmes një postimi në profilin e tij zyrtar në rrjetin social Facebook, Veseli ka vlerësuar lart rolin që luan në shoqëri besimi fetar, sidomos siç theksoi ai, në edukimin e qytetarit me vlera morale dhe kundër korrupsionit, përcjell lajmi.net.

“Prandaj, shteti ynë duhet të garantojë maksimumin e respektit dhe kujdesit ndaj klerikëve fetarë, simboleve të feve të ndryshme, objekteve të kultit dhe pronave të komuniteteve të ndryshme fetare”, ka shkruar ndër të tjera Veseli.

Postimi i plotë i Veselit pa ndërhyrje:

22 gushti shënohet nga OKB-ja si Dita për të Përkujtuar Viktimat e Dhunës Bazuar tek Feja ose Besimi.

Liria e fesë ose besimit është një e drejtë universale e çdo qenie njerëzore dhe aktet e vazhdueshme të jotolerancës dhe dhunës bazuar në fe ose besim duhet të marrin fund kudo në botë.Unë e vlerësoj lart rolin që luan në shoqëri besimi fetar, sidomos në edukimin e qytetarit me vlera morale dhe kundër korrupsionit.

Prandaj, shteti ynë duhet të garantojë maksimumin e respektit dhe kujdesit ndaj klerikëve fetarë, simboleve të feve të ndryshme, objekteve të kultit dhe pronave të komuniteteve të ndryshme fetare.Bashkëjetesa mes grupeve të ndryshme fetare në Kosovë është krenaria jonë më e madhe dhe unë do të angazhohem që ta kultivojmë dhe forcojmë edhe më shumë në të ardhmen.

SHPËRNDAJE