Trajneri i Barcelonës, Ernesto Valverde thotë se ai nuk guxoi të rrezikonte me Lionel Messin ndaj Interit, pavarsisht se ai u rikthye në stërvitje para ndeshjes.
Sulmuesi argjentinas pësoi frakturë gjatë ndeshjes së La Ligas me Sevillan në mes të muajit tetor.
Ai pritej të mungonte rreth tri javë, megjithatë ai u rikthye në stërvitje para kohës.
Edhe pse u ftua nga Valverde për ndeshjen e djeshme, Messi nuk u inkuadrua për asnjë minut mbrëmë.
”Ne nuk mund ta rrezikonim Messin. Stërvitja nuk është e njejtë me ndeshjen”.
”Ne kemi folur me të rreth kësaj dhe ai e kuptoi këtë”, u shpreh Valverde.
Në lidhje me ndeshjen, Valverde tha: ”Duhet ta sigurojmë vendin e parë në dy ndeshjet e ardhshme”.
”Ky është objektivi ynë, por ne shkojmë tani në shtëpi të lumtur”.