Turqia me skuadrën më të re në kualifikimet për Euro 2020 – Kosova e dyta – por me rekord krahasuar me të tjerat

Ekipi i Kosovës ka të ardhme, pasi shumica e lojtarëve, janë në moshë të re.

Edhe në këto eliminatore, baza e ekipit ishte me lojtarë të rinj dhe perspektiv, ku u zu edhe vendi i tretë në grup, duke e lënë pas Malin e Zi dhe Bullgarinë.

Faqja e specializuar për çmimin e lojtarëve, Transfermarkt, ka nxjerrë moshën mesatare të secilës skuadër në çdo ndeshje, duke i radhitur 10 më të rejat. Kosova në katër raste e ka pasur skuadrën më të re.

Turqia e zë vendin e parë, por këtë e ka bërë vetëm pas kualifikimit, ku  në ndeshjen e fundit ndaj Andorrës, ka pasur moshë mesatare prej 23.6 vjet.

Kosova është në vendin e dytë, ku në fitoren ndaj Bullgarisë 3-2, kishte në fushë lojtarë me moshën mesatare prej 23.7 vjeç.

Kosova ndaj Anglisë . (Foto: Michael Regan/Getty Images)

Edhe në tri raste tjera, Kosova ka pasur një prej moshave më të ulëta, duke treguar qartë që baza e ekipit përbehet nga lojtarë të rinj.