Tornado e fuqishme godet Texasin

Një tornado e fuqishme ka goditur qytetin e Dallas, Texas mbrëmjen e djeshme duke shkaktuar shkatërrim masiv të ndërtesave si dhe ndërprerje të energjisë elektrike.

Sipas BBC nuk janë raportuar persona të vdekur apo të plagosur rëndë, por shërbimi i emergjencave civile vazhdon ende kërkimin për persona të mbetur nën rrënoja.

Stacioni i meteorologjisë në Dallas ka raportuar mbrëmjen e djeshme një situatë të rrezikshme dhe që mund të shkaktonte dhe një shkatërrim total.

Mësohet se tornado ka goditur aeroportin Love Field përpara se të zhvendosej  në verilindje të vendit.

Një prej kompanive të shpërndarjes së energjisë elektrike raporton se është ndërprerë energjia e më shumë se 67.000 personave.

E njëjta kompani paralajmëron qytetarët të qëndrojnë larg linjave dhe shtyllave elektrike të dëmtuara ndërkohë janë ngritur grupe pune për të rikthyer energjinë elektrike.

Janë raporrtuar dhe rrjedhje gazi në pjesë të ndryshme të qytetit./oranews

SHPËRNDAJE