Temperatura e dhomës, fajtor për tensionin e lartë të gjakut

Sipas një studimi të publikuar kohët e fundit, jetesa në një shtëpi të ftohtë mund të jetë një faktor rreziku për hipertensionin. Autorët besojnë se temperatura e shtëpisë është një çështje për të cilën duhet të diskutohet më shumë.

Temperatura e mjedisit mund të luajë një rol të rëndësishëm në hipertension. Presioni i lartë i gjakut, ose hipertensioni, prek më shumë se 100 milionë të rritur në Shtetet e Bashkuara, transmeton Indeksonline.

Presioni i lartë i gjakut është mbizotërues dhe vendos bazat për rezultate shëndetësore të rëndësishme dhe potencialisht të ndryshueshme për jetën ndërkaq ai shfaqet si pasojë e disa faktorëve siç janë, mosha e vjetër, dieta e dobët, mbipesha, pirja e duhanit dhe pirja e alkoolit.

Një studim i kohëve të fundit, i kryer në Mbretërinë e Bashkuar, shton një faktor të ri rreziku në listë: temperatura e shtëpisë tuaj.

Një presion i shëndoshë gjaku konsiderohet të jetë midis 90/60 milimetra të merkurit (mmHg) dhe 120/80 mmHg.

Hulumtuesit gjetën se për çdo rënie në temperaturë prej 1 ° C, kishte një rritje prej 0.48 mmHg në presionin e gjakut sistolik dhe 0.45 mmHg në presionin e gjakut diastolik.