“Shqiptaret për Shqiptarët” në Hamburg të Gjermanisë

Nga Zyrihu i Zvicrës, studio e shqiptarëve udhëtoi në Hamburg të Gjermanisë. Shkuam pas kërkesës së mijëra shqiptarëve që jetojnë dhe punojnë në Gjermani. Qindra bashkatdhetarë kanë mirëpritur të përmalluar ne Hamburg moderatoren e emisionit Ola Bruko, Elvis Naçin dhe Sidrit Bejlerin që çuan tek ta një copëz Shqipërie.

“Shqiptaret për Shqiptarët”, zhvilluan me bashkëkombasit punatën e radhës të emisionit me një mision të madh. Surpriza të shumta por dhe histori të dhimbshme janë rezervuar këtë të premte. Historitë njerëzore janë shumë tronditëse, por shqiptarët dinë të sjellin shpresë. Ato janë përcjellë në praninë e bashkombësave tanë në studio, të cilët kanë treguar jo pak emocione teksa shikonin emisionin në një studio të vogël të improvizuar si ajo në Tiranë.

Nga Hamburgu i Gjermanisë vjen një lajm shumë i mirë, por surpriza shfaqet te premten ne News24. Stafi i emisionit ndjeu një mikpritje të rrallë nga shqiptarët në Hamburg, emocione që do përcillen të premten në ekran për gjithë shikuesit.