“Shpata nga druri”, filmi me regji turke që rrëfen krimet në Krushën e Madhe

Nënkryetari i komunës së Mitrovicës, Faruk Mujka, drejtori i Drejtorisë për Kulturë, Rini dhe Sport, Tafil Peci dhe Nehat Bahtiri, shef i kabinetit të kryetarit, kanë pritur në takim aktorin e njohur kosovar Fatmir Spahiu.

Aktori Spahiu i njoftoi zyrtarët e lartë komunal lidhur me projektin filmik “Shpata prej Druri”, një bashkëpunim ky në mes të Kosovës dhe Turqisë, xhirimet kryesore të të cilit do të bëhen në qytetin e Mitrovicës.

Mujka, i cili ishte shumë i kënaqur me vizitën e aktorit Spahiu, ofroj mbështetjen e plotë te institucioneve komunale në realizimin e projektit. Komuna në këtë rast ofron mbështetjen brenda mundësive që ka, duke siguruar edhe lokacionet ku do të bëhen xhirimet e këtij filmi.

Tafil Peci theksoi se xhirimi i filmit në qytetin e Mitrovicës, do të kontribuojë në ngritjen e epitetit të qytetit si një qytetet me vlera të larta kulturore dhe artistike.

Filmi “Shpata prej Druri”, me skenar të Selman Kiliçaslan dhe me regji të Emre Konuk, trajton temën e një djali nga Krusha e Madhe i cili i ka prindërit e zhdukur që nga lufta e Kosovës dhe kërkon hakmarrje ndaj forcave serbe.

Në këtë film rolet kryesore do ti luajnë aktorët tanë të mirënjohur: Florist Bajgora, Vedat Bajrami, Mensur Safciu, Luan Jaha, Çun Lajçi, Astrit Kabashi, Ilir Prapashtica, Irena Canhasi, Xhejlane Terbunja dhe të tjerë.

SHPËRNDAJE