Lionel Messi po kalon një sezon fantastik deri në këtë pikë, duke qenë në top formë thuajse në secilën ndeshje.
Deri në këtë pikë sezoni, argjentinasi padyshim është lojtari më i mirë në botë, dhe me këtë tempo, me siguri se do ta ketë për vete ‘Topin e Artë’.
Në skuadrën lidere të La Ligas dhe të parën e grupit në Ligën e Kampionëve, është Messi ai që bën liderin e skuadrës.
Por, një statistikë nga ‘Squawka’ tregon se numri 10-të i Barcelonës ka qenë i jashtëzakonshëm këtë sezon.
Lionel Messi ka dështuar të shënojë apo të asistojë në vetëm katër ndeshje të këtij sezonit, transmeton lajmi.net.
Në dy nga këto katër ndeshje, argjentinasi u inkuadrua nga stoli, duke mos luajtur komplet ndeshjen.
Ndeshjet kundër Real Valladolid, Real Sociedad, Tottenham Hotspur dhe Real Madrid ishin ato ku Messi nuk u regjistrua tek golashënuesit apo asistuesit.
