SHBA, Sekretari i Punës jep dorëheqje për shkak të zemërimit me rastin Epstein

Sekretari amerikan i Punës, Alex Acosta, ka njoftuar dorëheqjen e tij pas disa javëve të vrullit për një marrëveshje të pranimit të fajësisë që i është dhënë miliarderit Jeffrey Epstein, i akuzuar për skandal seksual, transmeton Anadolu Agency (AA).

Presidenti i SHBA-së, Donald Trump, po ashtu e njoftoi largimin e Sekretarit të Punës në Shtëpinë e Bardhë, duke theksuar se ishte vendimi i tij që u bë në një telefonatë mëngjesin e sotëm.

“Unë thashë që nuk duhet ta bëni këtë”, tha Trump lidhur me dorëheqjen.

Acosta ka qenë nën sulm gjatë javëve të fundit pasi akuza të reja u ngritën kundër Epstein, duke pohuar se ai kishte abuzuar dhjetëra vajza të mitura, disa nën moshën 14-vjeçare, si dhe ka komplotuar për të kryer trafikim seksual.

Sekretari i Punës vëzhgoi një marrëveshje të pranimit të fajësisë për miliarderin, në të cilën Epstein më parë u lirua me një dënim shumë të lehtë në një marrëveshje sekrete që e bëri atë të shërbente vetëm një vit burg dhe e kishte regjistruar si një “shkelës seksual”.

Ai ishte në gjendje të dilte nga dënimi i mundshëm i përjetshëm në atë rast, i cili përfshinte marrjen e një të miture për prostitucion.

SHPËRNDAJE