Qeveria amerikane ka thënë se do të vendosë kufizime të vizave për zyrtarët kinezë të akuzuar për përfshirje në shtypjen e popullsisë myslimane.
Vendimi u mor pasi të hënën, qeveria amerikane sanksionoi 28 organizata kineze të lidhura me akuzat e abuzimit në rajonin Xinjiang. Sekretari amerikan i Shtetit, Mike Pompeo ,tha se qeveria kineze kishte krijuar fushatë shumë shtypëse ndaj pakicës myslimane.
Kina i ka hedhur poshtë akuzat duke i quajtur të pabaza. Në një deklaratë, Pompeo akuzoi qeverinë kineze për një seri abuzimesh kundër grupeve myslimane.
