Policia Ushtarake Mbretërore Hollandeze po heton një “situatë të dyshimtë” në Aeroportin Schiphol të Amsterdamit, tha një zëdhënës për CNN.
Akoma nuk konfirmohet por flitet për rrëmbimin e një aeroplani në aeroportin e Amsterdam Schiphol.
Ndërkohë pasagjerët dhe ekuipazhi janë evakuuar në mes të njoftimeve që një njeri me thikë u përpoq të rrëmbejë avionin.
“Ekziston një situatë e dyshimtë dhe kjo është gjithçka që mund të them,” tha një zëdhënës i policisë ushtarake.
Aeroporti është i treti më i ngarkuari i Evropës, pas aeroportit të Heathrow të Londrës dhe Paris Charles de Gaulle./tch
