Real Madrid ka shënuar fitore të vështirë, por shumë të rëndësishme, në kuadër të La Ligas.
‘Los Blancos’ kanë mposhtur Sevillan në kryendeshjen e javës në La Liga, me rezultatin 2:1, shkruan lajmi.net.
Goli i parë në këtë takim u shënua nga mesfushori brazilian, Casemiro, në mintuën e 57’ të takimit.
Sevilla reagoi me anë të Luuk de Jong, i cili në minutën e 64’ rivendosi balancën, duke bërë ndeshjen edhe më interesante.
Por, në vazhdim, Casemiro pati akoma gjëra për të treguar dhe në minutën e 69’ gjeti edhe golin e dytë personal, për epërsinë e dytë të skuadrës së tij. Ky gol doli të ishte vendimtarë.
Me ketë fitore, Real Madrid ngritët përkohësisht në vendin e parë në La Liga, me 41 pikë, një më shumë se Barca, që nesër luan ndeshjen e saj me Granada.
Sevilla në anën tjetër mbetet në pozitën e tretë në tabelë, me 36 pikë të grumbulluara.
