Qeveria e Kosovës është duke mbajtur mbledhjen e 108 me radhë.
Në këtë mbledhje Qeveria ka tërhequr nga procedurat e shqyrtimit në Kuvend, Projektligjin për ndryshimin dhe plotësimin e Ligjit për Financimin e Subjekteve Politike.
Me këtë rast kryeministri, Ramush Haradinaj ka thënë se e ka bërë edhe një kosnult me zyrën e kryetarit të Kuvendit, Kadri Veseli dhe ka propozuar që të tërhiqet ky projektligj, raporton lajmi.net.
Theksojmë se dy partitë më të mëdha opozitare Lëvizja Vetëvendosje dhe Lidhja Demokratike e Kosovës, nuk e kanë përkrahur këtë projektligj.
Ata kanë thënë se ky Projektligj është në kundërshtim me legjislacionin e BE-së, ku sipas tyre ka edhe disa nene të Kushtetutës që shkelen me këtë ndryshim.
Ky Projektligj nuk ka gjetur përkrahje as nga Shoqëria Civile.
