Presidenti i Turqisë, Recep Tayyip Erdoğan, ka zhvilluar një takim me presidentin e Francës, Emmanuel Macron, raporton Anadolu Agency (AA).
Presidenti Erdoğan, i cili ndodhet në qytetin New York të SHBA-ve për sesionin e 73-të të Asamblesë së Përgjithshme të Kombeve të Bashkuara (OKB), zhvilloi një takim me homologun e tij francez.
Në takim morën pjesë edhe ministri i Thesarit dhe Financave, Berat Albayrak, ministri i Mbrojtjes Kombëtare, Hulusi Akar, ministri i Industrisë dhe Teknologjisë, Mustafa Varank, ministrja e Tregtisë, Ruhsar Pekcan dhe kreu i inteligjencës turke (MIT), Hakan Fidan.
Takimi ishte i mbyllur për media.
