Policia gjermane shpërndanë me dhunë protestuesit anti G20

Policia gjermane është detyruar të përdorë cisterna uji për të shpërndarë protestuesit që ishin mbledhur kundër takimit të G20 në Hamburg.

“Ky nuk është një tubim ligjor, por tubim i paautorizuar”, tha një zëdhënës i policisë.
Pak më vonë, policia përdori spërkatës me ujë dhe lëndë lotsjellëse për shpërndarjen e tubimeve të disa qindra njerëzve që kishin filluar të bllokonin rrugët.

Një person u arrestua dhe një kalimtar, i cili nuk ishte përfshirë në demonstratë, u plagos lehtë, sipas një mesazhi policor të publikuar në Twitter.

Të dielën, policia përdori mjete të shpërndarjes së turmës, dhe spastroi tendat e ngritura nga rreth 600 aktivistë në brigjet e lumit Elba.

Organizatorët e protestës Anti-G20 dhe shteti i qytetit të Hamburgut kanë javë të tëra në gjykata, nëse aktivistët mund të ngrenë tendat në shenjë proteste ndaj ngjarjes botërore. /MESAZHI/