Për herë të parë në histori, një finale e Ligës së Kampionëve do të luhet jashtë Evropës

UEFA ka informuar partnerët e mundshëm se në vitin 2024, finalja e Ligës së Kampionëve do të zhvillohet në Nju Jork.

Finalet e Ligës së Kampionëve deri më sot janë zhvilluar në Evropë.

Kjo do të ishte hera e parë që një finale e garës më elitare të futbollit zhvillohet jashtë Evropës, shkruan media amerikane Morning Consult, përcjell lajmi.net.

Kjo media raporton se një kompani zvicerane që përfaqëson interesant tregtare të UEFA-s ka shpërndarë këtë informacion.

Këto burime kanë dhënë edhe emrin e stadiumit. Bëhet fjalë për MetLife Stadium, në New Jersey, shtëpi e dy skuadrave të NFL, New York Giants dhe New York Jets.