Pas përleshje fizike në Kuvendin zgjedhor të Lidhjes Demokratike të Kosovës në Mat, policia ka shoqëruar në stacion disa persona.
Zëdhënësja e Policisë Rajonale të Prishtinës, Flora Ahmeti ka thënë për lajm.net se policia ka intervenuar menjëherë në këtë rast.
“Sot rreth orës 17:30 kemi pranuar informatën për një mosmarrëveshje mes disa personave në shkollë në Matiqan. Menjëherë njësitet policore të Drejtorisë Rajonale të policisë në Prishtinë, kanë intervenuar dhe kanë shoqëruar në stacion policor tre persona”, ka thënë Ahmeti.
Ajo ka shtuar se me rastin po merren njësitet kompetente.Theksojmë se përpos në Mat, përleshje fizike sot ka ndodhur gjatë procesit zgjedhor të LDK-së edhe në Ferizaj.
