Numër i madh i fëmijëve me grip sezonal që kërkojnë ndihmë në QKUK

Drejtori i Klinikës së Pediatrisë në QKUK, Muharrem Avdiu ka thënë po vazhdojnë të trajtohen një numër i madh i fëmijëve që kanë gripin sezonal, njofton Klan Kosova.

“Bëhet fjalë për gripin epidemik dhe kemi shumë raste që po vijnë”.

“Mosha pediatrie është më shumë e goditur se të tjerët. Në dhjetë ditët e fundit, 100 fëmijë vizitohen në QKUK”.

Sipas Avdiut në mënyrë që të parandalohet përhapja e këtij gripi duhet të evitohen daljet në tubime publike.

“Është e vështirë të evitohet gripi pasi infeksionet që barten me frymëmarrje janë të vështira për tu parandaluar“.

“Duhet t’i shmangemi sa më shumë tubimeve në lokalet publike”, ka thënë Avdiu.