Në Bajgorë, të gjithë e falin Bajramin me plisa në kokë (Foto)

Është falur Namazi i Fitër Bajramit, në Xhaminë e Fshatit Bajgorë, në Komunën e Mitrovicës.

Këtu pothuajse të gjithë pjesëmarrësit në këtë ceremoni, kanë vënë nga një plis në kokë. Kjo si shenjë dhe mesazh për të ruajtur traditën kombëtare.

Organizatori Drilon Mehmeti, ka thënë se qëllimi i kësaj forme të faljes ka qenë mesazhi për ruajtjen e identitetit kombëtar.

Edhe përfaqësuesi i fshatit Rrahman Beqiri, ka bërë thirrje që identiteti kombëtar të ruhet dhe të kultivohet, e të shmangen kulturat e huaja.

Fshatin Bajgorë sot e vizituan edhe shumë persona me origjinë nga ky fshat të cilët jetojnë në vende të ndryshme të Kosovës dhe në perëndim.

SHPËRNDAJE