Shqipëria është tronditur nga tërmeti më i fortë në dekada, me të paktën gjashtë të vdekur deri tani. Kryeministri Edi Rama në një postim në Twitter pak pas tërmetit shkroi “kemi humbur jetë njerëzish, e megjithatë po kalojmë në një moment ku duhet të qëndrojmë të qetë, pranë njëri-tjetrit dhe t’i rezistojmë kësaj goditje së bashku”.
Videot dhe fotot e postuara në mediat sociale shfaqin shkatërrim dhe rrugë të dëmtuara.
Një video e transmetuar drejtpërdrejt nga Fushë-Kruja, në qarkun e Durrësit, paraqet një fëmijë duke bërtitur ndërsa shpëtimtarët përpiqen ta nxjerrin nga rrënojat e një ndërtese të rrëzuar.
Silver Turku, një gazetar freelancer nga Tirana, tregon për Euronews gjendjen pas tërmetit, ku e gjithë lagjja ka dalë në rrugë dhe po interesohen për të ndihmuar njëri-tjetrin.
“Ndihesh i pafuqishëm dhe vetëm shpreson të kalosh këtë situatë”, thotë ai.
Sipas Hulumtuesit Gjeologjike të SHBA-ve (USGS), tërmeti me madhësi-6.4 goditi në orën 4 të mëngjesit me epiqendrën e vendosur 10 km në veriperëndim të Shijakut, në një thellësi prej 10 km.
