Muzikanti Yusuf Islam u kërkon muslimanëve të gjejnë rolin e tyre të humbur

Yusuf Islam, muzikati britanik dhe edukatori me famë botërore ka deklaruar se bota muslimane duhet të zhvillojë ndjenjën e vet të besimit dhe ambicies, raporton Anadolu Agency (AA).

“Është vështirë të gjesh një vend musliman që prodhon avionë, makina apo televizorë të vet”, tha Islam, i njohur po ashtu si Cat Stevens, duke folur në Samitin Botëror të Hallallit në Stamboll.

“Umeti musliman e ka humbur rolin e tij si mësues global i këtij mesazhi briliant (Kur’ani)”, theksoi ai.

Ai tha se vendet muslimane janë dominuar nga mendime që ishin të huaja ndaj filozofisë së Islamit.

“Pra, shumë shkolla sot po mësojnë gjëra të shkëlqyera, teknologji… por ku është Zoti, ku është Allahu”, tha Islam.

Islam, i cili nisi karrierën e tij muzikore në vitet e 60-ta, u konvertua në islam në vitin 1978. Ai ka një zinxhir të shkollave dhe organizatave bamirëse.

Samiti katër-ditor dhe “Expo Hallall” i organizuar nga Presidenca Turke ka nisur sot në Stamboll.

Në këtë organizim marrin pjesë mbi 500 blerës, 250 ekspozues akademikë dhe ekspertë nga Lindja e Mesme, Evropa Perëndimore dhe Qendrore, Ballkani dhe Afrika.

SHPËRNDAJE