Muzeu i Londrës ekspozon kujtime nga luftërat e kaluara

Kryeqyteti britanik, Londra, është një qytet i mbushur me muze interesante që ofrojnë pamjet e historisë së njerëzimit, shkruan Anadolu Agency (AA).

Ato përfshijnë Muzeun e Luftës Perandorake, që ndodhet në jug të lumit Thames pranë stacionit hekurudhor Elephant & Castle, që vizitohet nga qindra njerëz çdo ditë.

Qëllimi i muzeut të themeluar më 5 mars të vitit 1917 ishte mbledhja dhe shfaqja e materialit si një regjistrim i përvojave të të gjithëve gjatë luftës.

Muzeu i Luftës Perandorake u hap në Pallatin Crystal nga Mbreti George V më 9 qershor të vitit 1920. Nga viti 1924 deri në vitin 1935 u vendos në dy galeritë që i përkisnin ish-Institutit Perandorak në South Kensington.

Më 7 korrik, Duka i Jorkut, i cili më vonë u bë Mbreti George VI, rihapi muzeun në shtëpinë e tij në Lambeth Road në jug të Londrës, dikur pjesë qendrore e Spitalit Mbretëror Bethlem.

Kujtimet e lashta nga dy luftërat e mëdha dhe kujtimet e konflikteve më të fundit i presin vizitorët duke i informuar ata për pjesë të vogla të historisë.

Dy armë të mëdha detare para muzeut u përdorën në betejat britanike gjatë konflikteve të ndryshme të armatosura, nga kryengritje greke kundër Perandorisë Osmane deri në pushtimin e Normandisë gjatë Luftës së Dytë Botërore.

Një kopje e bombës atomike “Little Boy”, të hedhur nga SHBA-të në qytetin japonez Hiroshima më 6 gusht të vitit 1945, është një kujtim tjetër i zymtë në muze i një prej ditëve më vdekjeprurëse në historinë botërore.

Muzeu ekspozon kujtime të tjera interesante nga Lufta e Dytë e Botërore, përfshirë një aeroplan luftarak japonez që u gjet pas luftës në ishullin e Paqësorit, një motoçikletë gjermane e projektuar nga BMW për forcat naziste dhe një avion luftarak Harrier që është përdorur nga Forcat Ajrore Mbretërore në Afganistan në luftën kundër talebanëve.

Një shqiponjë naziste e bronzit me një simbol të skicës që dikur ishte dekoratë e ndërtesës së Kancelarisë Reich në Berlin është ekspozuar pranë një grupi të shpatave japoneze që u janë dhënë komandantëve të Forcave Aleate që humbën gjeneralët në fund të Luftës së Dytë Botërore.

Një makinë e bardhë e zbulimit me emblemën e OKB-së është ndër sendet e tjera në muze, e cila është përdorur nga trupat britanike për të patrulluar “Linjën e Gjelbër” në Qipro pasi ishulli u nda në dy pjesë pas një operacioni turk të paqes, që pasoi nga një grusht shtet i Qipros Greke në vitin 1974.

Një tjetër send interesant në muze janë edhe rrënojat e një makine civile që u nda në pjesë nga një bombë në një dyqan librash të Bagdadit në vitin 2007.

Ekziston edhe një mozaik me pllakën e kreut të ekzekutuar të Irakut, Saddam Hussain, i cili u kap në një port në Irak nga forcat britanike gjatë pushtimit të Irakut.

Muzeu është i hapur për të gjithë vizitorët falas dhe turnetë udhëzuese janë në dispozicion sipas kërkesës.


SHPËRNDAJE