Messi befason të gjithë, zgjedh këtë mbrojtës si kundërshtarin më të vështirë

Lionel Messi pretendon se atij nuk i pengon mënyra se si klubet kundërshtare caktojnë lojtarë për ta ndjekur dhe mbrojtur atë gjatë ndeshjeve të Barcelonës, teksa argjentinasi e ka zgjedhur Pablo Maffeon e Gironas si kundërshtarin e tij më të vështirë.

Shkathtësitë dhe aftësia e 32-vjeçarit për t’i vendosur ndeshjet me lëvizjet e tij në fushë ka bërë që trajnerët kundërshtarë të caktojnë lojtarë për ta ndjekur argjentinasin hap pas hapi nëpër fushë si formë për t’u mbrojtur kundër tij.

Por kjo nuk e ka ndalur yllin e Barcelonës të shpërthejë në ndeshje të mëdha dhe Messi thotë se ai nuk shqetësohet nga kjo taktikë më, përcjell lajmi.net.

“Nuk më pengon që ma caktojnë një lojtar për të më qëndruar afër gjithmonë. E di se ka ndeshje të vështira dhe mund të bëhet e çuditshme kur e ke gjithmonë dikë përreth vetes”.

Edhe pse Messi gjatë karrierës është përballur me disa ndër mbrojtësit më të mirë të të gjitha kohëve në futboll – si në ndeshjen e La Ligës, ashtu edhe në ato evropiane – Messi e zgjodhi mbrojtësin e krahut të djathtë të Gironas, Maffeon, si kundërshtarin e tij më të vështirë.

“Pablo Maffeo i Gironës”, tha Messi menjëherë pasi u pyet për kundërshtarin më të vështirë me të cilin është përballur. “Ishte ndeshje intensive”, kujtoi ai.

SHPËRNDAJE