Kancelarja gjermane Angela Merkel theksoi nevojën për të ruajtur dhe për të forcuar strukturat multilaterale si Bashkimi Evropian, NATO dhe Kombet e Bashkuara, duke ju drejtuar konferencës ku i pranishëm është edhe Mike Pence, Zv/presidenti i SHBA-ve, raporton Anadolu Agency (AA).
Deklarata e Merkelit në konferencën mbi sigurinë në Munih të shtunën, vjen në kohën kur janë shfaqur disa shqetësime në lidhje me qasjen e administratës së Trump për punë të jashtme dhe frikës për rënie të interesit për angazhime në forumet multilaterale.
Merkel ka thënë se “angazhimi i përbashkët forcon të gjithë”, por gjithashtu pranoi se “duhet të shohim se strukturat shumëpalëshe në shumë vende nuk janë efikase”.
“Jam thellësisht e bindur se ia vlenë që luftojmë për strukturat tona të përbashkëta ndërkombëtare shumëpalëshe, por ato duhet që t’i përmirësojmë në shumë vende”, tha Merkel.
