Mërgim Lushtaku: Paqe nga Haga, jemi të gatshëm të dëshmojmë pastërtinë e luftës së UÇK-së
Ish-komandanti i Zonës Operative të Drenicës, Sami Lushtaku sot po intervistohet nga prokurorët e Gjykatës Speciale.
Sami Lushtaku në Hagë është shoqëruar nga djali i tij, Mërgim Lushtaku deputet i Kuvendit të Kosovës.Ai ka thënë se babai i tij ka qenë dhe është gjithmonë i gatshëm për të dëshmuar pastërtinë e luftës së drejt të UÇK-së, përcjell lajmi.net.
“Njëherë në gjykatat e UNMIK-ut, më pas të EULEX-it, tani në Gjykatën Speciale dhe çdo gjykatë tjetër që do të mund të themelohet në të ardhmen, do të jem gati që ta mbroj luftën e Ushtrisë Çlirimtare të Kosovës e cila ka qenë e drejtë dhe për liri të cilën e gëzojmë të gjithë bashkë në Kosovë”, ka shkruar Lushtaku në Facebook.
Postimi i plotë:Paqe nga Haga
Gjithmonë i gatshëm për të dëshmuar pastërtinë e luftës së drejtë të Ushtrisë Çlirimtare të Kosovës.
Njëherë në gjykatat e UNMIK-ut, më pas të EULEX-it, tani në Gjykatën Speciale dhe çdo gjykatë tjetër që do të mund të themelohet në të ardhmen, do të jem gati që ta mbroj luftën e Ushtrisë Çlirimtare të Kosovës e cila ka qenë e drejtë dhe për liri të cilën e gëzojmë të gjithë bashkë në Kosovë.Mirëpo, kur do të vijë dita për gjykim dhe drejtësi ndërkombëtare për:Vrasjen e 13,900 civilëve shqiptarë nga shteti serb,Kryerjen e 400 masakrave,Dhunimin e 20 mijë grave shqiptare,Mijëra shqiptarë ende të pagjetur,Spastrimi etnik i mbi një milion shqiptarëve.Secili shqiptar, une dhe ti që po e lexon këtë tekst beson në pastërtinë e luftës së UÇK-së, beson në drejtësi.